Fjöldi látinna á Gaza-ströndinni fór yfir tvö þúsund manns í dag samkvæmt upplýsingum frá heilbrigðisráðuneyti Gaza í kjölfar þess að einstaklingar sem særst höfðu í átökunum létust af sárum sínum á sjúkrahúsum.

Fram kemur í frétt AFP að samtals hafi 2.016 manns látist á Gaza og 10.196 særst. Á meðal hinna látnu séu 541 barn, 250 konur og 95 aldraðir karlmenn. Ennfremur segir að fjöldi látinna hafi verið 1.980 þar til nokkur fjöldi einstaklinga lét lífið á sjúkrahúsum á Gaza, í Jerúsalem og Kaíró þangað sem þeir höfðu verið fluttir til þess að gera að sárum þeirra. Ekki kom fram hversu margir hinna látnu voru vopnaðir menn.

Þá segir að samkvæmt upplýsingum frá stjórnvöldum í Ísrael hafi 64 ísraelskir hermenn látið lífið í átökunum. Þar af fimm sem orðið hafi fyrir skotum frá eigin mönnum. Ekki fylgdu upplýsingar um með hvaða hætti það hefði átt sér stað.

Tengdar fréttir

Ísrael/Palestína

Vísa mótmælanemendum úr skólanum

• Vonir bundnar við frið á Gasa
• Bjóða Hamas 40 daga vopnahlé
• Jákvæðir í garð tillagna Ísraelsmanna um vopnahlé
• Blinken fer til Ísraels og Jórdaníu

» Fleiri tengdar fréttir

• Blogga um frétt