Fyrstu líkamsleifar áströlsku farþega MH17 sem létu lífið er farþegavélin var skotin niður í austurhluta Úkraínu þann 17. júlí sl. verða fluttar til Ástralíu í þessari viku. Þetta sagði Tony Abbott, forsætisráðherra landsins, á minningarathöfn í Canberra.

38 íbúar og ríkisborgarar Ástralíu létu lífið í árásinni, þar á meðal nokkur börn. Flugvélin var á leið frá Amsterdam til Kuala Lumpur með 298 farþega og áhöfn innanborðs. Allir í vélinni létu lífið.

Abbott sagði að ferlið hefði tekið langan tíma og það væri ekki fyrr en í þessari sem fyrstu líkamsleifarnar yrðu fluttar heim. Minnismerki um fórnarlömbin verður reist í garðinum við þinghúsið.

193 Hollendingar létu lífið í árásinni en búið er að bera kennsl á 173 þeirra.

Tengdar fréttir

Flugvél Air Algerie hrapaði

Farþegar MH17 jarðsettir

• Fórst eftir að hafa misst hraða
• Von á fyrstu niðurstöðum í dag
• Gæti tekið ár að bera kennsl á líkin
• Öll líkin sundurtætt

» Fleiri tengdar fréttir

• Blogga um frétt