Lýðræðissinnar sem staðið hafa fyrir mótmælum í Hong Kong frestuðu í dag atkvæðagreiðslu um næstu skref í mótmælaaðgerðunum. Ástæðan er ágreiningur í röðum mótmælenda um framhald mótmælanna.
Atkvæðagreiðslan átti að fara fram í dag, en nokkrum klukkutímum áður en hún átti hefjast var henni frestað.
Enn er mikil spenna í Hong Kong þar sem yfirvöld hafna enn kröfum mótmælenda um að kosningar til borgarstjórnar, sem fyrirhugaðar eru 2017, verði lýðræðislegar. Mótmælin hafa raskað mjög öllu lífi í borginni og valdið ótta um alvarlegan samdrátt í efnahagslífi.