Lassana Bathily, sem er af mörgum talinn hetja eftir viðbrögð sín er vígamenn réðust inn í matvöruverslun í París á dögunum og tók þar fólk í gíslingu, heimsótti heimaland sitt Malí. Þar býr fjölskylda hans.
Í kjölfar hetjudáðar sinnar í matvöruversluninni fékk hann franskan ríkisborgararétt.
Bathily bjargaði viðskiptavinum verslunarinnar sem hann vinnur í undan hryðjuverkamönnunum. Bathily er múslími og hefur búið í Frakklandi frá árinu 2006. Hann sótti um franskan ríkisborgararétt síðast í júlí. Hann er 24 ára gamall. Hetjudáð hans hefur vakið heimsathygli, en hann bjargaði fólki frá hryðjuverkamanninum Amedy Coulibaly með því að fela það inni í kæliskáp.