Íbúar í Luleå í Norður-Svíþjóð eru ýmsir vanir og ekki síst þegar kemur að snjó en í gær náði snjórinn nýjum hæðum, eða nýrri dýpt, 113 sm af jafnföllum snjó. Þar með féll tæplega hálfrar aldar snjódýptarmet í Svíþjóð.
Mjög hefur snjóað í Svíþjóð undanfarna daga og í gærmorgun mældist snjódýptin á flugvellinum í Luleå 113 sm og því ljóst að fyrra metið í bænum, 111 sm sem sett var árið 1966 var fallið.
Samkvæmt upplýsingum frá sænsku veðurstofunni hefur snjóað mjög á þessum slóðum undanfarna daga.