Gríðarlegar rigningar og óveður hefur geisað í norðurhluta Ítalíu í dag. Tveir hafa látist. Vegir hafa lokast og samgöngur farið úr skorðum.
Kona kramdist til dauða undir tré og karlmaður lést er bíll hans varð fyrir grjóthruni.
Í borginni Genoa var gripið til þess ráðs að loka almenningsgörðum og kirkjugörðum og einnig máttu þeir sem aka vespum og mótorhjólum ekki aka um göturnar á meðan veðrið gekk yfir.
Margir skólar í Tuscany-héraði voru lokaðir. Þá lokuðust hafnir á Sardiníu vegna óveðursins.