Utanríkisráðherra Sádi-Arabíu vill að Bandaríkjamenn taki þátt í landhernaði gegn hryðjuverkasamtökunum Ríki íslams í Írak og Sýrlandi. Bandaríkjamenn hafa hingað til gripið til loftárása á vígi samtakanna.

Ráðherrann, Saud al-Faisal prins, sagði í gær að bandamenn þyrftu nauðsynlega að taka höndum saman til þess að mæta samtökunum á jörðu niðri.

Hann sagði einnig við fjölmiðla að Íranar væru að reyna að ná völdum í nágrannaríkinu Írak með aðstoð sinni í baráttunni gegn Ríki íslams. Hersveitir á vegum íranskra stjórnvalda hafa á undanförnum dögum aðstoðað íraska herinn í sókn hans gegn borginni Tikrit, fæðingarstað Saddams Hussein, sem er nú á valdi Ríkis íslams.

Tengdar fréttir

Ríki íslams

Scholz vill herða vopnalöggjöf í kjölfar árásar

• Heimsækir borg þar sem hnífaárás var gerð
• Hryðjuverkasamtök heilla unglinga á Tiktok
• Íslenskur netþjónn hýsti hryðjuverkaáróður
• Neita að tjá sig um Ríki íslams

» Fleiri tengdar fréttir

• Blogga um frétt