Heilbrigðisyfirvöld í Bandaríkjunum rannsaka nú veikindi 53 einstaklinga sem greinst hafa með salmonellu. Veikindin hafa verið tengd við hráan túnfisk.
Einstaklingar í níu fylkjum Bandaríkjanna veiktust. Þar af eru 31 í Kaliforníu en restin býr í Arizona, Illinois, Mississippi, Nýju Mexíkó, South Dakota, Virginíu, Washington og Wisconsin.
Samkvæmt frétt NBC hafa tíu manns verið fluttir á sjúkrahús en engin dauðsföll verið tilkynnt. Orsök veikindanna er óþekkt en flestir sem veiktust sögðust hafa nýlega borðað sushi sem innihélt hráan túnfisk.