Rússar sprengdu óvini Ríkis íslams

Laurent Fabius, utanríkisráðherra Frakkalands, vill að Rússar geri grein fyrir ...
Laurent Fabius, utanríkisráðherra Frakkalands, vill að Rússar geri grein fyrir þeim skotmörkum sem þeir réðust á í dag. AFP

Loftárásir sem Rússar hófu í Sýrlandi í morgun beindust ekki að Ríki íslams heldur að óvinum þess og Bashars al-Assad, forseta landsins, að sögn sérfræðinga. Frönsk stjórnvöld hafa einnig grun um að Ríki íslams hafi ekki verið skotmark árásanna í dag.

Rússar hófu fyrstu loftárásir sínar í Sýrlandi í dag eftir að Assad hafði beðið þá um hernaðaraðstoð. Vladimír Pútín, forseti Rússlands, hefur kynnt hernaðaraðgerðirnar sem lið í baráttunni gegn hryðjuverkahópum, sér í lagi Ríki íslams. Rússnesk stjórnvöld sögðu jafnframt að árásirnar í dag hefðu beinst gegn liðsmönnum samtakanna.

Laurent Fabius, utanríkisráðherra Frakklands, sagði hins vegar í dag að vísbendingar væru um að loftárásir Rússa hafi alls ekki beinst að Ríki íslams. Í frétt á vefnum Vox er ennfremur vitnað til nokkur sérfræðinga í málefnum Sýrlands sem benda á að þau svæði sem loftárásirnar voru gerðar séu alls ekki á valdi öfgasamtakanna. Rússar séu í raun að varpa sprengjum á andstæðinga Ríki íslams úr röðum andspyrnuhreyfinga gegn sýrlensku stjórninni.

Það samræmist því markmiði Rússa að styðja við bakið á bandamanni sínum Assad í baráttu hans gegn uppreisnaröflum.

Fabius krafðist þess jafnframt að Rússar staðfestu þau skotmörk sem þeir hefðu ráðist á. Lagði hann einnig áherslu á að Assad forseti yrði að stíga til hliðar til að gefa sýrlensku þjóðinni von á nýjan leik.

„Örlög sýrlensku þjóðarinnar geta ekki takmarkast við hryllingsaðstæður þar sem hún verður að velja á milli glæpsamlegra stjórnvalda og villimannslegrar hryðjuverkastarfsemi,“ sagði franski utanríkisráðherrann.

Frétt Vox af loftárásum Rússa í Sýrlandi

mbl.is

Bloggað um fréttina

Frá Sýrlandi til Evrópu - Greinaflokkur

Nokkrar notaðar saumavélar til sölu !!
Nokkrar tegundir, ýmsar gerðir. Allar ástandsskoðaðar og prófaðar af fagmanni. V...
www.flutningur.is 5753000 sendibilastöð
Stöðin býður upp á allar stærðir sendibíla og veitir trausta og umfram allt góð...
Akureyri - vönduð íbúðagisting
Vönduð og vel útbúin íbúðagisting. Uppábúin rúm, net og lokaþrif. Komdu á norður...
 
Framhald uppboðs
Nauðungarsala
Uppboð Einnig birt á www.naudungarsolu...
Eldri borgarar
Staður og stund
Aflagrandi 40 Það er opin vinnustofa hjá...
Framhaldssala
Nauðungarsala
Uppboð Einnig birt á www.naudungarsolu...
Framhaldssölur
Nauðungarsala
Uppboð Einnig birt á www.naudungarsolu...