Unglingspiltar grunaðir um nauðgunina

Leikföng á heimili fjögurra ára stúlku sem var nauðgað í ...
Leikföng á heimili fjögurra ára stúlku sem var nauðgað í Delí í síðustu viku. Tveimur öðrum kornungum stúlkum var nauðgað í borginni skömmu síðar. AFP

Tveir sautján ára piltar hafa verið handteknir í tengslum við nauðgun á tveggja og hálfs árs gamalli stúlku í Delí. Stúlkunni blæddi gríðarlega eftir árásina og um allan líkama hennar voru bitför og sár. 

Piltarnir voru handteknir eftir að lögreglan hafði spurst fyrir í nágrenni staðarins þar sem stúlkunni var nauðgað. 

Þrír menn hafa verið handteknir vegna nauðgunar á fimm ára gamalli stúlku annars staðar í borginni. Málin tengjast ekki en í báðum tilvikum tengjast hinir handteknu fjölskyldum fórnarlamba sinna. 

Gríðarleg reiði hefur brotist út meðal borgara á Indlandi og hávær og fjölmenn mótmæli farið fram á götum úti. Kynbundið ofbeldi er algengt í landinu og finnst mörgum ekki nægilega hart tekið á slíkum brotum. 

Litlu stúlkunni, sem aðeins er rúmlega tveggja ára, var rænt á föstudag. Nauðgararnir biðu færis þar til rafmagni sló út í hverfinu. Þá létu þeir til skarar skríða og rændu stúlkunni. Hún fannst þremur klukkustundum síðar í almenningsgarði með gríðarlegar blæðingar. Sú fimm ára var lokkuð inn í hús nágranna síns og nauðgað þar. Hún hlaut mikla áverka og var flutt á sjúkrahús. Talið er að hún sé nú úr lífshættu. 

Fyrir viku fannst fjögurra ára stúlka skammt frá lestarteinum í borginni. Henni hafði einnig verið nauðgað og hún svo skorin með eggvopni. 

Árið 2014 var tilkynnt um 2.000 nauðganir í Delí.

Frétt BBC. 

IStúdentar eru meðal þeirra sem hafa fjölmennt út á götur ...
IStúdentar eru meðal þeirra sem hafa fjölmennt út á götur Delí til að mótmæla kynferðisbrotum á Indlandi. AFP
mbl.is

Bloggað um fréttina

Frá Sýrlandi til Evrópu - Greinaflokkur

NP Þjónusta Tek að mér bókanir og umsjá
NP Þjónusta Tek að mér bókanir og umsjá breytinga. Hafið samband í síma 649-6134...
Kolaportið alltaf gott veður!
Góða veðrið og góða skapið er í KOLAPORTINU!...
PÚSTKERFI Á HAGSTÆÐU VERÐI
Eigum fyrirlyggjandi PÚSTKERFI í flestar tegundir bifreiða. Einnig STÝRISLIÐI ...
 
Aðalskipulag breyting
Tilkynningar
Kynning á tillögum um breytingar á a...
Félagsastarf
Staður og stund
Aflagrandi 40 Opin vinnustofa kl. 9 og s...
Álagning vanrækslugjalds
Nauðungarsala
Sýslumaðurinn á Vestfjörðum Auglýsin...
Aðalskipulag snæfellsbæjar
Fundir - mannfagnaðir
Auglýsing á aðalskipulagi Snæfellsbæ...