Lögregla leitar enn eins þeirra sem tóku þátt í hryðjuverkunum á föstudag. BFM TV vísar í heimildamann hjá lögreglu. Sá segir franskan ríkisborgara sem leigði Volkswagen Polo sem sást utan við Bataclan-tónleikahöllina „ekki vera á meðal árásarmannanna sjö sem eru látnir eða mannanna sem hafa verið handteknir í Belgíu enn sem komið er“.

Sagði miðillinn þrjá menn hafa verið stöðvaða á landamærunum við Belgíu í bílnum á laugardagskvöld en þar sem þeir voru þá ekki enn eftirlýstir hafi þeim verið leyft að halda áfram – að því er talið er til Molenbeek, úthverfisins í Brussel þar sem átta hafa verið handteknir síðan á laugardag, þar af fimm nú í morgun.

Ekki er vitað hvort maðurinn sem leigði bílinn tók þátt í árásunum með beinum hætti eða var vitorðsmaður en ljóst er að nafn hans er ekki á meðal þeirra sem hafa verið handteknir enn sem komið er.

Hnotskurn

• Sak­sókn­ar­ar segja sjö árás­ar­menn í þrem­ur hóp­um hafa fram­kvæmt árás­irn­ar sex í Par­ís þar sem þeir myrtu 129 manns.
• 352 særðust og eru 99 ým­ist sagðir sér­lega al­var­lega særðir eða í lífs­hættu. 
• Bor­in hafa verið kennsl á fórn­ar­lömb frá 15 ríkj­um enn sem komið er. 
• Árás­ar­menn­irn­ir sjö lét­ust einnig í árás­un­um: sex þeirra sprengdu sig í loft upp með sprengi­vest­um sem þeir klædd­ust og einn var skot­inn af lög­reglu.
• Þetta voru fyrstu sjálfs­morðssprengju­árás­irn­ar á franskri grundu.

Tengdar fréttir

Hryðjuverk í París

Fresta hryðjuverkaréttarhöldum vegna glerkassa

• Sakfelldir fyrir að stela listaverki eftir Banksy
• Veiran frestar réttarhöldum í hryðjuverkamáli
• Tuttugu fyrir rétt vegna hryðjuverka í París
• Grunaður um aðild að árásum í París

» Fleiri tengdar fréttir

• Blogga um frétt