Útbúnaður sem virðist vera sprengjubelti fannst í ruslatunnu í bænum Montrouge, suður af París, fyrr í kvöld, en lögreglan hefur nú lokað nærliggjandi götum og er að rannsaka beltið. Heimildarmaður Reuters sem tengist rannsókninni segir að útbúnaðurinn líti út eins og sprengjubelti. Lögreglan hefur ekki staðfest neitt í tengslum við málið enn þá. 

Enn er einn hinna grunuðu hryðjuverkamannanna sem létu til skarar skríða í París fyrir 10 dögum síðan ófundinn. Eftir árásirnar lét maðurinn, Salah Abdeslam, tvo vini sína frá Belgíu sækja sig yfir til Frakklands, en hann var talinn hafa tengst skotárásum á veitingastöðum í borginni. 

Sími hans var þann 13. nóvember miðaður út í gegnum símaloftnet í Chatillon í suðurhluta París, ekki langt frá Montrouge. Hefur fundurinn ýtt enn frekar undir tilgátur þess efnis að Abdeslam hafi hætt við árásina á síðustu stundu og flúið í burtu.

Saleh Abdeslam AFP

Tengdar fréttir

Hryðjuverk í París

Fresta hryðjuverkaréttarhöldum vegna glerkassa

• Sakfelldir fyrir að stela listaverki eftir Banksy
• Veiran frestar réttarhöldum í hryðjuverkamáli
• Tuttugu fyrir rétt vegna hryðjuverka í París
• Grunaður um aðild að árásum í París

» Fleiri tengdar fréttir

• Blogga um frétt