Mikil samstaða innan NATO

Jens Stoltenberg, framkvæmdastjóri Atlantshafsbandalagsins (NATO), segir bandalagið standa þétt að baki aðildarríkinu Tyrklandi, en tilefni yfirlýsingarinnar er árás tyrkneska flughersins á rússneska orrustuþotu fyrr í dag. 

Um borð í rússnesku vélinni voru tveir flugmenn og skutu þeir sér út áður en vélin brotlenti innan landamæra Sýrlands. Annar mannanna var skotinn til bana í fallhlíf sinni á leið til jarðar. Óvíst er með afdrif hins flugmannsins.

„Líkt og við höfum ítrekað sagt - það er samstaða með Tyrkjum,“ sagði Stoltenberg eftir aukafund varnarbandalagsins en boðað var til hans með flýti í dag. Bætti Stoltenberg því við að Atlantshafsbandalagið styddi við rétt Tyrklands til að verja landamæri sín og lofthelgi.

Þá hvetur Stoltenberg ráðamenn í Ankara og Moskvu til að sýna stillingu í því máli sem nú er uppi.  

Yfirvöld í Ankara segja tvær tyrkneskar orrustuþotur af gerðinni F-16 hafa skotið niður rússnesku herþotuna, sem er af gerðinni Su-24, eftir að hún rauf lofthelgi Tyrklands. Eru Tyrkir áður sagðir hafa varað rússnesku flugmennina ítrekað við.

Rússnesk yfirvöld neita þessu hins vegar og segja vélina hafa verið í lofthelgi Sýrlands þegar skotið var á hana. Flugvélin brotlenti um fjórum kílómetrum frá landamærunum.

Fréttaveita AFP hefur það eftir ónafngreindum diplómata, sem sat fund NATO, að mikil samstaða væri með Tyrkjum. „Þetta var alvarlegt atvik og við viljum ekki að það hafi neikvæð áhrif á þá vinnu sem unnin hefur verið við myndun bandalags gegn Ríki íslams,“ sagði hann.

Jens Stoltenberg, framkvæmdastjóri NATO.
Jens Stoltenberg, framkvæmdastjóri NATO. AFP
mbl.is

Frá Sýrlandi til Evrópu - Greinaflokkur

Bækur til sölu
Bækur til sölu Um Urnot, bókin hennar Bjarkar, Færeyingasagal 1832, Njála 1772, ...
HÚSAVIÐGERÐIR
Viðgerðir og viðhald fasteigna er okkar fag. Húsaklæðning ehf. hefur í áratugi ...
NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
 
Félagsastarf
Staður og stund
Aflagrandi 40 Opin vinnustofa kl. 9 og s...
Land til sölu
Til leigu
Land til sölu Til sölu eða leigu 4,6 h...
Aðalfundur
Fundir - mannfagnaðir
Aðalfundur Skúlagarðs hf. vegna reikn...
Félagsstarf aldraðra
Staður og stund
Aflagrandi 40 Opin vinnustofa kl. 9, gön...