Arabísk slagorð máluð á þotur
Setja bókamerki
Hlaðmenn á flugvöllunum í París og Lyon í Frakklandi hafa gert lögreglu viðvart eftir að hafa séð slagorð á arabísku sem krotuð höfðu verið á farþegaþotur. Nokkur dæmi eru um það frá síðustu vikum.
Þegar uppgötvaðist að slagorðið Allah Akbar, Guð er mestur, hafði verið krotað á þotu frá spænska flugfélaginu Vueling á Lyonflugvelli 19. nóvember var flugvélin rýmd og farþegarnir 157 sendir frá borði meðan öryggisleit og skoðun fór fram.
Þremur dögum seinna fundust álíka skilaboð á hlera að farangurshólfi þotu Easyjet rétt eftir lendingu hennar í Lyon frá Marrakech í Marokkó.
Þriðja atvikið var svo tilkynnt á Parísarflugvellinum Charles de Gaulle 24. nóvember og þá líka á þotu frá Easyjet sem nýkomin var frá Búdapest er krotið uppgötvaðist.
Í framhaldi af hryðjuverkunum í París 13. nóvember sl. hefur verið ákveðið að setja hvern og einn hinna 86.000 starfsmanna Charles de Gaulle flugvallarins í sérstaka skoðun og einstaklingar með óæskilegan bakgrunn síaðir úr. Byrjað verður á 5.000 öryggisvörðum og þeir yfirheyrðir út frá því sem fram kemur um þá á skrám leynilögreglu eftir að þeir voru ráðnir. Það sem af er ári hefur 57 mönnum, sem hneigst höfðu til róttækra trúarskoðana, verið bannað að vinna á öryggissvæðum flugvallarins, þar af fimm í nóvember.
Hefði ekki lagst gegn samþykkt sáttmálans
Einróma stuðningur við virkjanir
Tengsl við undirheima ekki hluti af rannsókninni
Enn langt í að rannsókn málsins ljúki
„Verða bara eins og „zombíar““
Fjarskiptatæki um alla borg sprungu samtímis
Konur álitnar annars flokks borgarar