Wällstrom óvelkomin til Ísrael

Margot Wallström á ráðstefnu í Reykjavík.
Margot Wallström á ráðstefnu í Reykjavík. mbl.is/Ómar Óskarsson

Stjórnvöld í Ísrael segja Margo Wällstrom, utanríkisráðherra Svíþjóðar, ekki velkomna til landsins en Wällstrom hefur kallað eftir rannsókn á dauða Palestínumanna sem hafa verið drepnir í kjölfar árása á ísraelska hermenn og borgara.

Emmanuel Nahshon, talsmaður utanríkisráðuneytis Ísrael, sagði í dag að vegna ummæla Wällstrom hefði þeim skilaboðum verið komið á framfæri að hún væri ekki velkomin í landinu. Tzipi Hotovely, aðstoðarutanríkisráðherra, hefur sagt að ummæli ráðherrans endurspegli „blindu og pólitíska heimsku“.

Tuttugu og fjórir hafa látist og mun fleiri særst í hnífaárásum Palestínumanna síðustu misseri. Wällstrom sagðist í desember fordæma ofbeldið en gagnrýndi viðbrögð Ísraela. Hún benti m.a. á að mun fleiri Palestínumenn hefðu látið lífið í gagn-aðgerðum Ísraela en í árásum fyrrnefndu.

Samkvæmt Guardian hefur 141 Palestínumaður látið lífið af höndum ísraelskra yfirvalda, sem segja tvo þriðjuhluta þeirra hafa verið árásarmenn. Aðrir hafi látið lífið í átökum við öryggissveitir.

Þetta er ekki í fyrsta sinn sem Wällstrom veldur fjaðrafoki á erlendri grundu en sendiherra Sádi Arabíu í Svíþjóð var kallaður heim eftir að hún gagnrýndi stöðu mannréttindamála í landinu.

mbl.is

Bloggað um fréttina

Frá Sýrlandi til Evrópu - Greinaflokkur

VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
Vatnshitarar fyrir sumarhús.
Ýmsar gerðir af vatnshiturum 3300w til 21000w fyrir sumarhús, þessi búnaður er f...
Hárþurrka
Hárþurrka til sölu.Verðhugmynd 40.000 Uppl í síma 862-1703...
 
Breyting á aðal- og deiliskipulagi
Tilkynningar
Auglýsing um skipulag á Akranesi Till...
Skrifstofustjóri
Stjórnunarstörf
Skrifstofustjóri óskast til starfa hjá ...
Framhald uppboðs
Nauðungarsala
Uppboð Einnig birt á www.naudungarsolu...
Félagsstarf
Staður og stund
Árskógar 4 Smíðar/útskurður m./leiðb. kl...