Sergei Lavrov, utanríkisráðherra Rússlands, mun næstkomandi þriðjudag hitta bandaríska starfsbróður sinn, John Kerry, á fundi í Zürich í Sviss til að ræða málefni Sýrlands og Úkraínu.

Fréttaveita AFP greinir frá því að ráðherrarnir hafi nýverið rætt saman í síma þar sem ákveðið var að þeir myndu hittast á einkafundi í Sviss í næstu viku. Utanríkisráðuneyti Rússlands staðfestir þetta.

Munu þeir, samkvæmt ráðuneyti utanríkismála í Rússlandi, halda áfram að „skoða leiðir til þess að binda endi á átökin í Sýrlandi og þá deilu sem uppi er vegna Úkraínu.“

John Kirby, talsmaður Kerry utanríkisráðherra, segir ráðamenn í Washington DC nú hafa áhyggjur af aðferðum Rússa þegar kemur að hernaðarátökum í Sýrlandi.

„Ráðherrann hefur áhyggjur, miklar áhyggjur, af árásum Rússa og liðsmanna stjórnarhersins á almenna borgara,“ hefur AFP eftir Kirby.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Pakkalausn Úkraína-Sýrland, hvar er Ísland?