Forseti Póllands, Andrzej Duda, hvatti Evrópusambandið í dag til þess að finna málamiðlun í viðræðum við bresk stjórnvöld svo tryggja mætti að Bretland yrði áfram í sambandinu. Mikil krísa vofði annars yfir Evrópusambandinu og jafnvel endalok þess.

„Það er ekki í þágu pólskra hagsmuna að Bretland yfirgefi Evrópusambandið,“ sagði Duda á blaðamannafundi samkvæmt frétt AFP. „Við þurfum að komast að sameiginlegri málamiðlun til að tryggja að Bretland verði áfram í sambandinu.“ Slík málamiðlun mætti þó ekki grafa undan grundvallarreglum Evrópusambandsins sem skiptu Pólverja miklu máli.

Þjóðaratkvæði er fyrirhugað í Bretlandi um veru landsins í Evrópusambandinu og kann hún hugsanlega að fara fram í sumar. Bresk stjórnvöld standa nú í viðræðum við sambandið um breytta skilamála vegna aðildar Breta. Breskir kjósendur munu síðan kjósa á milli breyttrar veru í Evrópusambandinu eða þess að yfirgefa það alfarið.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• 2 blogg um fréttina

Bloggað um fréttina

• Páll Vilhjálmsson: ESB hvorki né samband
• Baldur Gautur Baldursson: Spámaður ársins 2016