Rubio reynir að snúa vörn í sókn
Setja bókamerki
Marco Rubio reynir nú að snúa vörn í sókn eftir slæma útreið í kappræðum repúblikana á laugardag, þegar hann varð uppvís að því að tönnlast í sífellu á sömu línunum í svörum sínum.
Hinn ungi öldungadeildarþingmaður repúblikana, sem hefur ört bætt við fylgi sitt í baráttunni um útnefningu flokksins til kosninga um forsetaembættið, reyndi endurkomu í viðtali á sjónvarpsstöðinni ABC í gær. Sagði hann framboð sitt hafa safnað meiri pening á fyrstu klukkustund kappræðanna, einmitt þegar honum fipaðist, heldur en í nokkrum öðrum hingað til.
„Látum ekki blekkjast af þeim skáldskap að Barack Obama viti ekki hvað hann er að gera. Hann veit nákvæmlega hvað hann er að gera,“ sagði Rubio og endurtók svo þrisvar á meðan kappræðunum stóð.
„Hvað þessa fullyrðingu varðar, þá vona ég að þeir haldi áfram að sýna hana aftur og ég mun halda áfram að segja þetta því þetta er satt,“ sagði Rubio við ABC.
Mikill útflutningur frá Vestfjörðum
Finnar og Svíar taka ekki á móti særðum frá Gasa
Komu saman á kyrrðar- og bænastund
Gerðu umfangsmiklar loftárásir á Líbanon
Eina leiðin var að fella björninn
Birtu ekki dóm yfir fyrrverandi forseta bæjarstjórnar
Grænlendingar vildu ekki fá björninn til baka
Fékk menningarsjokk þegar hann flutti aftur heim