Hermenn taki vopn sín heim

Ísraelskum hermönnum hefur nú verið fyrirskipað að taka skotvopn sín með sér heim þegar þeir eru ekki á vakt. Á þetta, samkvæmt fréttaveitu AFP, að gera hermenn betur í stakk búna til að bregðast við árásum Palestínumanna.

Stjórnvöld í Ísrael komust að þessari ákvörðun eftir að Tuvia Weissman, 21 árs gamall hermaður, var stunginn til bana í matvöruverslun á Vesturbakkanum síðastliðinn fimmtudag.

Skömmu áður en Tuvia var myrtur spurði hann yfirmenn sína í hernum hvort hann mætti bera skotvopn sitt á sér utan vinnutíma til að tryggja eigið öryggi. Samkvæmt AFP var hermanninum hins vegar neitað um þetta og skildi hann því vopnið eftir á herstöðinni er hann fór í leyfi.

Yfirmaður Ísraelshers hefur nú gefið fyrirskipun um að „hermenn beri vopn sín jafnvel utan vinnu,“ en það hefur ekki verið leyft til þessa.

• 1 blogg um fréttina

Bloggað um fréttina

• Snorri Óskarsson: ógnanir í okkar nafni!