29 milljónir í erfðaskrá Bin Laden

Osama bin Laden
Osama bin Laden Ljósmynd/Wikipedia

Osama Bin Laden skildi eftir sig auðæfi upp á um 29 milljónir Bandaríkjadala eftir dauða sinn í árás Bandaríkjamanna í maí árið 2011.

Erfðaskrá hans er meðal fjölda skjala sem gefin voru út til bandarískra fjölmiðla í dag en lagt var hald á hana í árásinni í Abbotabad í Pakistan.

Í erfðaskránni bað Bin Laden fjölskyldu sína um að fylgja vilja hans og eyða arfinum í „jihad, fyrir sakir Allah“. Í öðru bréfi bað hann föður sinn um að annast eiginkonu hans og börn skyldi hann láta lífið.

„Verði ég drepinn, biddu þá oft fyrir mér og gefðu reglulega til góðgerðarmáli í nafni mínu þar sem ég mun þurfa mikinn stuðning til að komast á varanlega heimilið,“ skrifaði Bin Laden.

Bin Laden sagði fjármagnið vera í Súdan en óljóst er hvort um ræddi reiðufé eða eignir eða hvort nokkuð af því hafi ratað til erfingjanna. Hann bjó í Súdan um fimm ára skeið á tíunda áratugnum sem gestur ríkisstjórnarinnar.

Í öðrum bréfum lagði hann mat sitt á „stríðið gegn hryðjuverkum“ og framgöngu Bandaríkjahers í Afganistan.

„Þeir héldu að stríðið yrði auðvelt og að þeir myndu ná markmiðum sínum á fáeinum dögum eða fáeinum vikum,“ skrifaði hann. „Við þurfum að vera þolinmóðir aðeins lengur. Með þolinmæði vinnst sigur.“

mbl.is

Frá Sýrlandi til Evrópu - Greinaflokkur

Getum útvegað allt frá Bretlandi á mun lægra verði........
Getum útvegað allt frá Bretlandi á mun lægra verði sem viðkemur vinnuvélum, trak...
EKTA PARKETLISTAR - GÓLFLISTAR - GEREKTI
Gegnheilir harðviðarlistar, spónl. gerefti. Facebook>Magnus Elias/Mex bygg S. 84...
Til leigu snyrtilegt skrifstofuherbergi á 2. hæð í Síðumúla 1, 22 fm
Til leigu snyrtilegt skrifstofuherbergi á 2. hæð í Síðumúla 1. Í herberginu eru ...
Tökum að okkur raflagnir og smíðavinnu
Tökum að okkur raflagnir og smíðavinnu Löggiltir verktakar - Áratuga reynsla. Sm...
 
Framhald uppboðs
Nauðungarsala
Uppboð Einnig birt á www.naudungarsolu...
Eldri borgarar
Staður og stund
Aflagrandi 40 Dagurinn byrjar á opinni v...
Opinn fundur
Fundir - mannfagnaðir
Sjálfstæðisflokkurinn í Hafnarfi...
L helgafell 6017092019 iv/v
Félagsstarf
? HELGAFELL 6017092019 IV/V Mynd af ...