Lýtalæknirinn krafinn um bætur

Mynd af Carolin Wosnitza frá árinu 2010
Mynd af Carolin Wosnitza frá árinu 2010 Af vef Wikipedia

Ekkill ungrar konu, Carolin Wosnitza, hefur höfðað mál gegn lýtalækni vegna dauða konu hans en hún lést í kjölfar misheppnaðrar brjóstastækkunaraðgerðar. Þetta var í fimmta skiptið sem Wosnitaza fór í slíka aðgerð.

Wosnitza gekk undir heitinu Sexy Cora á klámvef sem þau hjón ráku í sameiningu. Tekjur af rekstrinum námu milljónum evra en auk þess kom hún fram í raunveruleikasjónvarpsþáttum og gaf út tvö popplög.

Wosnitza var 23 ára gömul er hún lést en þegar hún flutti frá Berlín til Hamborgar árið 2005 fékk hún fyrstu brjóstastækkunina að gjöf frá eiginmanninum, Tim. Þá var hún enn á unglingsaldri. Í kjölfarið fór hún að starfa sem vændiskona í St. Pauli hverfinu í Hamborg. En þegar þau hjónin sáu að þau gætu grætt háar fjárhæðir af því að framleiða klámmyndir þar sem þau fóru sjálf með aðalhlutverkin og birta þær á netinu gegn endurgjaldi.

Wosnitza fór ekki vel með heilsuna og lagði ýmislegt á sig til þess að komast í fjölmiðla. Til að mynda var hún lögð inn á sjúkrahús árið 2009 eftir að hafa reynt að setja heimsmet í sem flestum munnmökum á einum degi.

Eitt af því sem hún gerði til þess að þóknast klámiðnaðinum var að láta stækka brjóst sín ítrekað. Árið 2011 fór hún í þá fimmtu á Alster læknastofunni í Hamborg en í aðgerðinni fór í hjartastopp og lést níu dögum síðar.

Lýtalæknirinn var dæmdur um manndráp af gáleysi árið 2013 eftir að í ljós kom að hann hafði gert ítrekuð mistök við aðgerðina sem leiddu til dauða hennar. Má þar nefna að hann slökkti á hjartalínuritinu á meðan aðgerðinni stóð.

Nú hefur eiginmaðurinn, Tim Wosnitza, höfðað einkamál gegn læknastofunni og hefst málflutningur á föstudag. Hann krefst þess að fá tæpa milljón evra í miskabætur. Hann segir að mistökin hafi kostað hann hundruð þúsunda evra í tekjur og eins krefst hann bóta vegna áfallsins sem hann varð fyrir við andlát eiginkonunnar.

Vefurinn The Local vísar í viðtal við hann í Bild þar sem hann segist ekki hafa fengið greiddan aur í bætur þrátt fyrir að læknastöðin segi að sjúklingar séu tryggðir gagnvart öllum kostnaði.

Sven von Saldern, formaður samtaka þýskra lýtalækna (DGÄPC), segir að í ákveðnum tilvikum verði það að þráhyggju að fara í fegrunaraðgerðir. „Fyrst lætur þú laga augnlokin, síðan lætur þú laga brjóstin og síðan greiðir þú fyrir að láta fjarlægja magafituna,“ segir hann.

Í ákveðnum tilvikum geti aðgerðir sem þessar bætt lífsgæði fólks en það megi hins vegar ekki gleyma því hver áhrifin geta verið.

Frétt The Local

Upplýsingar um Sexy Cora á Wikipedia

mbl.is

Frá Sýrlandi til Evrópu - Greinaflokkur

UNDIR ÞESSU MERKI SIGRAR ÞÚ
Hálsmen úr silfri 6.900 kr., gulli 49.500 kr., (silfur m. demanti 11.500 kr., g...
Stofuskápur úr furu til sölu.
Fínn í sumarbúðstaðinn, 17 þúsund kr., hæð 2 m, breidd 71 cm, dýpt 35cm. Uppl....
íSSKÁPUR ÓSKAST.
Vill kaupa ísskáp m. frystihólfi að hámarki 120 cm. Verður að vera í fullkomnu ...
Suzuki Bouleward S40 650cc '2005
Fallegt, létt og meðfærilegt hjól. Ekið 10þ km. Nýtt afturdekk. Hiti í handföng...
 
Brúarvirkjun
Tilkynningar
Mat á umhverfisáhrifum Brúar...
Félagsslíf
Staður og stund
Aflagrandi 40 Opin vinnustofa kl. 9, úts...
Samkoma
Félagsstarf
Samkoma kl. 20 í Kristniboðs- salnum. G...
L fjölnir 6016092719 i fjhst.
Félagsstarf
? FJÖLNIR 6016092719 I Fjhst. Mynd ...