Fyrsta bandaríska skemmtiferðaskipið til að leggja leið sína til Kúbu í hálfa öld lagðist að bryggju í höfuðborginni Havana í dag.
Atburðurinn ber merki um bætt samskipti Bandaríkjamanna og Kúbu.
Hópur fólks veifaði kúbverskum fánum og myndaði skipið, sem heitir Adonia, er það sigldi inn í höfnina eftir að hafa lagt af stað frá Miami í Bandaríkjunum á sunnudaginn með um 700 farþega um borð.
Barack Obama varð í mars síðastliðnum fyrsti forseti Bandaríkjanna í 88 ár til að heimsækja Kúbu.
Frétt mbl.is: Söguleg heimsókn Obama til Kúbu
Í sama mánuði spiluðu rokkararnir í The Rolling Stones í fyrsta skipti á Kúbu.
Frétt mbl.is: Verður Kúba aldrei söm?