Frank-Walter Steinmeier, utanríkisráðherra Þýskalands, sagði í dag að ákvörðun Breta um að yfirgefa Evrópusambandið væri sorgleg, en samt sem áður ætti að virða hana.

Evrópusambandsríkin þyrftu að komast að samkomulagi um hvernig þau ætluðu að haga framtíðartengslum sínum við Bretland.

„Við ættum að virða ákvörðun Breta,“ sagði Steinmeier á blaðamannafundi í Yerevan, höfuðborg Armeníu, fyrr í dag.

Á sama tíma funduðu leiðtogar Evrópusambandsríkjanna með ráðamönnum í Brussel, höfuðborg Belgíu. Sögðu leiðtogarnir að Bretar gætu ekki fengið aðgang að innri markaði Evrópusambandsins nema þeir leyfðu frjálst flæði fólks yfir landamæri sín. Ekki væri hægt að gera neinar undantekningar á því.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt