Prinsinn fór í þyrlu og þotu
Setja bókamerki
Georg prins upplifði draum margra ungra barna í morgun þegar hann fékk að sitja í flugstjórnarklefa þotu. Faðir hans, Vilhjálmur prins, hjálpaði syni sínum, sem verður þriggja ára í mánuðinum, um borð í Hawk-þotuna sem er í eigu listflugsveitar breska flughersins, Rauðu örvanna.
Prinsinn ungi var með bláar eyrnahlífar og fékk hann einnig að sitja í Squirrel-þyrlu með foreldrum sínum, Vilhjálmi og Katrínu. Þyrlan er sú sama og faðir hans æfði sig á sem flugmaður fyrir sjö árum.
„Eins og við mátti búast var prins Georg örlítið skelkaður vegna hávaðans í þyrlunni,” sagði Jim Hobkirk, liðsforingi hjá flughernum. Hann sagði prinsinn hafa verið áhugasaman um þyrluspaðann.
Þetta er í fyrsta skipti sem Georg prins fer með foreldrum sínum í opinbera konunglega heimsókn á Bretlandi.
Krefjast stöðvunar framkvæmda
Shakespeare fannst í skókassa
Kostnaður meiri en milljón á fermetra
Banna mengandi búnað sem leyfður er á Íslandi
„Það þarf að vinna mikinn fjölda upp“
„Umsátursástand“
Skemmtiferðaskip hætt komið nærri Viðey