Hefur áhyggjur af tilraunum N-Kóreu
Setja bókamerki
Ban Ki-moon, framkvæmdastjóri Sameinuðu þjóðanna, segir nýlegar tilraunir Norður-Kóreumanna með langdrægar eldflaugar vera mikið áhyggjuefni og séu til þess fallnar að grafa undan tilraunum til þess að draga úr spennu á Kóreuskaganum.
Norður-Kórea skaut upp tveimur SCUD-eldflaugum og einni Rodong-flaug í morgun í viðleitni stjórnenda landsins til að ögra alþjóðasamfélaginu og svara fyrir fyrirhugaðri uppsetningu bandarísks eldflaugakerfis í Suður-Kóreu.
„Tilraunaskot Norður-Kóreu eru mikið áhyggjuefni,“ sagði Farhan Haq, talsmaður Ban Ki-moon. „Aðgerðir sem þessar eru ekki til þess fallnar að draga úr spennu á Kóreuskaganum.“
Að sögn Koro Bessho, formans öryggisráðs Sameinuðu þjóðanna, er það nú til skoðunar hjá öryggisráðinu hvernig bregðast skuli við tilraunaskotum Norður-Kóreumanna. „Við vonumst til þess að geta brugðist við með viðeigandi hætti,“ sagði hann og bætti við: „Við eigum í viðræðum við nokkra bandamenn.“
Varnarmálaráðuneyti Bandaríkjanna hefur áhyggjur af þróun mála í Norður-Kóreu en Bandaríkin hafa ekki kallað eftir sérstökum fundi hjá öryggisráðinu vegna ástandsins. Norður-Kórea hefur fimm sinnum verið beitt efnahagsþvingunum af hálfu Sameinuðu þjóðanna síðan 2006 vegna tilrauna ríkisins með gereyðingarvopn og langdrægar flaugar.
Hætta vegna jarðfalls í sprungur metin töluverð
Komu saman á kyrrðar- og bænastund
Eina leiðin var að fella björninn
Maðurinn sem leitað var að fannst látinn
Björninn sagður nálægt byggð
Vangaveltur gengu lengra en innistæða var fyrir
Grænlendingar vildu ekki fá björninn til baka
Lögreglan leitar eftir myndefni í tengslum við andlátið