Samtökin Jabhat al-Nusra, sem eru meðal annarra uppreisnarmanna sem barist hafa gegn sýrlenska stjórnarhernum, tilkynntu í dag klofning sinn frá al-Kaída-hryðjuverkasamtökunum.

Abu Mohammed al-Julani, leiðtogi samtakanna, sagði að eftirleiðis hétu þau Jabhat Fateh al-Sham. Al-Julani sagði breytingunum vera ætlað að fjarlægja þann fyrirslátt sem sýrlenski stjórnarherinn og Rússar nýti sér til að varpa sprengjum á almenna borgara.

Fréttavefur BBC segir Bandaríkjastjórn þegar hafa tjáð sig um málið og að að engin ástæða sé til að hætta að líta á samtökin sem hryðjuverkasamtök.

Al-Kaída hefur tilkynnt að samtökin styðji breytinguna og  Ahmed Hassan Abu al-Khayr, annar æðstu stjórnenda al-Kaída, hafi hvatt al-Nusra að gera það sem þau geti til að verja hagsmuni íslams, múslima og heilags stríðs í Sýrlandi.

Al-Julani segir nýju samtökin ekki munu hafa nein tengsl við erlend samtök, en erlendir sérfræðingar segja nafnabreytinguna gerða eftir að Bandaríkin og Rússland hertu á hernaðaraðgerðum sínum gagnvart al-Nusra.

Talið er að samtökin vonist með þessu móti til að bæta tengsl sín við aðra hópa uppreisnarmanna sem berjast gegn sýrlenska stjórnarhernum.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: HELSTI BJARGVÆTTUR VESTURLANDA ER VAXANDI ÓEINING INNAN RAÐA ÖFGA ISLAMISTA