Tveir bræður hafa verið handteknir í Belgíu vegna gruns um að þeir hafi verið að skipuleggja hryðjuverkaárás.
Mennirnir, sem heita Nourredine H og Hamza, voru handteknir eftir húsleitir í bænum Liege í Mons-héraði í landinu. Hvorki vopn né sprengiefni fundust við húsleitina.
Greint er frá þessu á vef BBC.
„Miðað við nýjustu upplýsingarnar eftir lögregluaðgerðir dagsins bendir allt til þess að hryðjuverkaárás í Belgíu hafi verið í burðarliðunum,“ segir í tilkynningu frá belgískum yfirvöldum í kjölfar handtökunnar.
Því er þó bætt við að handtökurnar tengjast ekki sprengingunum í Brussel fyrr áþessu ári.
Seinna í dag verða mennirnir leiddir fyrir dómara þar sem krafist verður gæsluvarðhalds yfir þeim.