Trump mýkri í garð innflytjenda
Setja bókamerki
Donald Trump virðist vera að draga í land með loforð sín um að flytja 11 milljónir ólöglegra innflytjenda úr landi verði hann kjörinn forseti en hann reynir um þessar mundir að ná til kjósenda sem tilheyra minnihlutahópum.
Kellyanne Conway, nýr kosningastjóri Trumps, segir að hann muni á næstu vikum kynna stefnumál sín í innflytjendamálum. Spurð hvort búast megi við að sjá einhvers konar brottnáms-sveitir sem Trump hefur áður kynnt til sögunnar sagði Conway það enn óákveðið.
Trump hitti stuðningsmenn sína af spænskum ættum í gær í höfuðstöðvum sínum í Trump-Turninum í New York. Einhverjir þeirra sögðu í samtali við spænskumælandi sjónvarpsstöðina Univision að hann ætlaði að finna leið til að gera milljónir ólöglegra innflytjenda löglega.
Sagði Trump það hvorki mannúðlegt né mögulegt að reka 11 milljónir manna úr landi og að tillögur sínar fælu í sér að fjölda þeirra yrði leyft að búa í Bandaríkjunum.
Þetta er mikil U-beygja frá fyrri hugmyndum Trumps sem fólu m.a. í sér að reisa risavegg á landamærum Bandaríkjanna og Mexíkó auk þess sem hann kallaði mexíkóska innflytjendur nauðgara og glæpamenn.
Vendingar vestanhafs geti haft áhrif hér heima
Gerðu umfangsmiklar loftárásir á Líbanon
Grænlendingar vildu ekki fá björninn til baka
Lögreglan leitar eftir myndefni í tengslum við andlátið
Glæpastarfsemi orðin mun skipulagðari
Björninn sagður nálægt byggð
Tveir í haldi grunaðir um mansal og smygl á fólki
Komu saman á kyrrðar- og bænastund