Franska lögreglan hefur handtekið sjö í þessum mánuði vegna tengsla þeirra við hryðjuverkasamtök. Þrjú þeirra voru að undirbúa hryðjuverkaárásir, segir innanríkisráðherra Frakklands, Bernard Cazeneuve.
Á fundi með blaðamönnum í morgun kom fram í máli Cazeneuve að á fyrstu sex mánuðum ársins voru jafnmargir handteknir í tengslum við hryðjuverk og allt árið í fyrra.
Sextán ára gömul stúlka var handtekin í úthverfi Parísar, Melun, 8. ágúst og er hún enn í haldi grunuð um að hafa verið að undirbúa hryðjuverkaárás.
Frétt mbl.is: 16 ára undirbjó hryðjuverkaárás