Enn með forystu í skoðanakönnunum
Setja bókamerki
Demókratinn Hillary Clinton er enn með forystu í skoðanakönnunum á repúblikanann Donald Trump í kapphlaupinu um forsetaembættið í Bandaríkjunum, þrátt fyrir nýjar fregnir sem tengjast tölvupóstum úr hennar herbúðum.
Frétt mbl.is: FBI hefur ekkert mál í höndunum
Samkvæmt könnun NBC News og SurveyMonkey hefur Clinton sex prósentustiga forskot á Trump, sem er jafnmikið og fyrir viku.
James Comey, yfirmaður bandaríku alríkislögreglunnar, FBI, greindi frá því á föstudaginn að nýir tölvupóstar sem fundust í herbúðum Clinton gætu skipt sköpum í rannsókn lögreglunnar á notkun hennar á persónulegum tölvupósti sínum þegar hún starfaði sem utanríkisráðherra.
Svo virðist sem þessar upplýsingar hafi ekki haft mikil áhrif á kjósendur en kosningarnar fara fram 8. nóvember.
Samkvæmt skoðanakönnuninni er Clinton með 47% fylgi á meðan Trump er með 41% fylgi. Frambjóðandinn Gary Johnson mældist með 6% fylgi og Jill Stein með 3%.
Samkvæmt könnuninni eru kjósendur á báðum áttum yfir því hvort þeir telji að tilkynning FBI vegna tölvupóstanna muni skipta miklu máli. 55% voru á því máli á meðan 44% töldu að hún hefði lítið að segja.
Varar við „glæparéttarhöldum“
Donald Trump hefur varað við því að stjórnarskrár-krísa gæti komið upp ef Clinton nær kjöri sem forseti Bandaríkjanna.
Hann sagði að „glæparéttarhöld gætu verið haldin yfir sitjandi forseta“, og gagnrýndi Clinton fyrir að skella skuldinni á aðra vegna hneykslismálsins, sem hefur staðið yfir í 20 mánuði.
„Hún hefur kallað þetta allt saman yfir sig sjálf,“ sagði hann.
Óvenjuleg tilkynning: 19 í gæsluvarðhaldi
Finnar og Svíar taka ekki á móti særðum frá Gasa
Glæpastarfsemi orðin mun skipulagðari
Búið að fella björninn
Grænlendingar vildu ekki fá björninn til baka
Óánægja er með áform um efnistöku
Vendingar vestanhafs geti haft áhrif hér heima
Davíð Viðarsson var skyndihugdetta