Leggur traust sitt á Trump
Setja bókamerki
Heimurinn býst við því af Bandaríkjunum, að þau standi við þær skuldbindingar sem þau gengust undir í tímamóta Parísarsamkomulagi, þrátt fyrir heit Donalds Trumps, verðandi Bandaríkjaforseta, um að draga til baka þátttöku landsins í samkomulaginu.
Þetta segir Salaheddine Mezouar, formaður sérstaks ráðs á vegum Sameinuðu þjóðanna sem sér um eftirlit með því að skyldur samkomulagsins séu uppfylltar, í samtali við fréttaveitu AFP.
„Fullgilding samkomulagsins þýðir að ríkisstjórnir verða að gangast við ábyrgðinni sem þær tókust á hendur. Það myndi, að ég held, vera ákaflega erfitt að draga þátttökuna til baka - það verður ekki aftur snúið,“ bætir hann við.
Fréttirnar komu flatt upp á marga
Ráðið kom saman hinn 7. nóvember og standa fundir þess yfir til 18. nóvember. Þær fréttir, að hinn svarni afneitari loftslagsvísinda, Donald Trump, hefði náð yfirráðum í Hvíta húsinu, komu því flatt upp á marga fundargesti.
Aðalritari SÞ, Ban Ki-moon, segist þá treysta því að Donald Trump muni ekki snúa baki við samkomulaginu, þrátt fyrir kosningaloforð hans um að hætta við þátttöku Bandaríkjanna í því.
„Hann hefur látið frá sér fjölda fullyrðinga sem valdið hafa mér áhyggjum, en ég er viss um að hann skilji mikilvægi þessa, alvarleika og nauðsyn.“
Skaut sex sinnum að feðginum á aðfangadagskvöld
„Höfum ekki náð að skríða upp úr þeirri gryfju“
/frimg/1/48/74/1487454.jpg)
Heldur inn í nóttina tuttugu kílóum léttari
Hvorki sést áður hér á landi né annars staðar
Telur forsendur fyrir vaxtalækkun
Gígbarmurinn hækkað frá því í gær
Mál hjúkrunarfræðingsins fer aftur fyrir héraðsdóm