Bílsprengja sprakk við íþróttaleikvang í Istanbúl nú í kvöld og særðust 20 manns hið minnsta. Sprengingin varð nokkrum tímum eftir að leik tveggja stærstu knattspyrnuliða Tyrklands á vellinum lauk.
Sprengingin varð fyrir utan Vodafone-íþróttaleikvang Besiktas-knattspyrnuliðsins í miðborg Istanbúl, með þeim afleiðingum að a.m.k. 20 manns særðust.
Reuters-fréttastofan hefur eftir Suleyman Soylu, innanríkisráðherra Tyrklands, að sprengjunni hafi verið beint gegn bíl óeirðalögreglunnar og að þeir sem særðust séu lögreglumenn.
Öryggislögregla hefur nú girt svæðið af og hafa tyrkneskar sjónvarpsstöðvar sýnt myndir frá vettvangi þar sem brennandi bílflak og tveir eldar til viðbótar sjást loga fyrir utan leikvanginn.
„Ég heyrði tvær sprengingar og nú heyri ég í sírenum sjúkrabíla flýta sér á vettvang,“ sagði fréttaritari AFP-fréttastofunnar.
Reports: Car Bomb Attack Near Istanbul Stadium https://t.co/L5vC81FK0y pic.twitter.com/MWfcGQ9uet
— The Voice of America (@VOANews) December 10, 2016
UPDATE: Turkey imposes broadcast ban after blast hits Istanbul https://t.co/H3mdn4ert7 pic.twitter.com/pi16iqUxWU
— Haaretz.com (@haaretzcom) December 10, 2016
BREAKING: Two large explosion reported near Besiktas football stadium in Istanbul pic.twitter.com/9ncLVtQLro
— Turkey Untold (@TurkeyUntold) December 10, 2016