Hinn 29 ára Egypti sem grunaður er um að hafa haft í hyggju hryðjuverkaárás á Louvre-listasafninu í París hefur neitað að tjá sig við lögreglu. Abdullah Reda al Hamamy var yfirheyrður á sjúkrahúsi, þar sem hann dvelur eftir að hafa verið skotinn af hermanni.

Hermaðurinn skaut á Hamamy þegar hann gerði sig líklegan til að láta til skarar skríða gegn hermönnum við safnið. Ku hann hafa haldið á sveðju í báðum höndum og hrópað „Allahu Akbar“.

Francois Hollande hefur sagt að um hryðjuverkaárás hafi verið að ræða. Einn hermaður særðist. Safninu var lokað á föstudag en opnað aftur í gær.

Hamamy var með bakpoka sem í fundust spreybrúsar en engin sprengjuefni.

Faðir hans, Reda al Refaai, segist ekki botna í atvikinu. „Þeir segja að hann hafi sært hermann og að annar hafi skotið á hann. Af hverjum höfum við ekki séð sár þessa hermanns?“

„Þetta er yfirhylming til að þeir þurfi ekki að biðjast afsökunar á eða réttlæta gjörðir þessa hermanns sem beitti ofurafli á vesalings 29 ára ungan mann.“

Tengdar fréttir

Hryðjuverk í París

Fresta hryðjuverkaréttarhöldum vegna glerkassa

• Sakfelldir fyrir að stela listaverki eftir Banksy
• Veiran frestar réttarhöldum í hryðjuverkamáli
• Tuttugu fyrir rétt vegna hryðjuverka í París
• Grunaður um aðild að árásum í París

» Fleiri tengdar fréttir

• Blogga um frétt