Yfirvöld í Kína hafa handtekið sjö manns í tengslum við eldsvoða á hóteli í miðju landinu þar sem tíu manns fórust.
Meðal þeirra sem hafa verið handteknir eru verktakar og starfsmenn þeirra sem unnu að byggingu hótelsins.
Eldurinn braust út á laugardag í HNA Platinum Mix-hótelinu í Jiangxi-héraði. Þrír gestir hótelsins og sjö verkamenn sem þar voru að störfum létust.
Níu slösuðust og þrír eru enn í lífshættu á sjúkrahúsi.
Eldvarnaeftirlit er oft ekki tekið föstum tökum í Kína. Neyðarútgangar eru oft harðlæstir og flóttaleiðir ófærar.
Fyrr í þessum mánuðum létust átján á fótasnyrtistofu í landinu. Í janúar létust sjö eldri borgarar á hjúkrunarheimili er eldur braust út.