Bretland verður eina ríkið sem segja mun skilið við Evrópusambandið. Þetta fullyrti Jean-Claude Juncker, forseti framkvæmdastjórnar sambandsins, í viðtali við þýska dagblaðið Bild am Sonntag.

Meirihluti breskra kjósenda samþykkti í þjóðaratkvæðagreiðslu síðasta sumar að yfirgefa Evrópusambandið og hafa bresk stjórnvöld unnið að því markmiði síðan.

„Fordæmi Bretlands mun koma öllum í skilningu um að það sé ekki þess virði að yfirgefa [Evrópusambandið],“ sagði Juncker samkvæmt frétt Reuters.

Þess í stað ættu þau ríki sem eftir yrðu í sambandinu eftir að „verða ástfangin á ný og endurstaðfesta hjúskaparheit sín við Evrópusambandið.“ 

Enn fremur sagði forsetinn að ekki væri í boði að vera aðeins að hluta í Evrópusambandinu eða velja bestu bitana. „Innan Evrópusambandsins borðar þú það sem er á borðinu eða þú situr ekki við borðið,“ sagði hann.

Þá spáði Juncker að fleiri ríki ættu eftir að ganga í sambandið í framtíðinni þó það yrði ekki í hans embættistíð en kjörtímabil hans nær til 2019. Ástæðan væri fyrst og fremst sú að umsóknarríki uppfylltu ekki enn skilyrðin fyrir inngöngu.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt