„Það þarf að loka mig inni eða eitthvað“

Wikipedia

Bresk stúlka fannst látin í ágúst á síðasta ári í enska bæjarfélaginu Portslade eftir að hafa ítrekað haft samband við lögreglu vegna áreitis og ofbeldis sem hún hafði orðið fyrir af hálfu fyrrverandi kærasta hennar. Líkið fannst í svefnherbergi hennar en hún hafði verið skorin á háls. Hafði enn fremur verið gerð tilraun til þess að kveikja í heimili hennar á tveimur stöðum. Breska dagblaðið Independent segir frá þessu.

Kærastinn fyrrverandi hefur verið ákærður fyrir að hafa myrt stúlkuna Shana Grice sem var 19 ára þegar hún lést. Lögreglan taldi hana ekki í hættu og sektaði hana í eitt skiptið fyrir að eyða tíma hennar að tilefnislausu. Kærastinn fyrrverandi, Michael Lane sem er 27 ára, hefur neitað sakargiftum. Fram kom fyrir dómi að Lane hefði verið haldinn þráhyggju gagnvart Grice eftir að hún tók aftur saman við fyrri kærasta sinn, Ashley Cooke.

Grice tilkynnti lögreglunni að Lane sæti um hana í febrúar á síðasta ári eftir að hann hafði falið sig fyrir utan heimili hennar, skilið þar eftir blóm og sett miða á bifreið Cookes þess efnis að hún myndi halda fram hjá honum. Mánuði síðar tilkynnti Grice lögreglunni að Lane hefði ráðist á sig en hann neitaði því og sýndi lögreglunni smáskilaboð sem hann sagði að sýndu að hún vildi áfram vera í sambandi við hann.

Fram kom fyrir dómi að Grice hafi verið sektuð fyrir að eyða tíma lögreglunnar vegna þess að hún hafi ekki getið þess þegar hún tilkynnti hann að þau hefðu verið í sambandi. Enn fremur kom fram að í júlí hefði Lane stolið húslyklum Grice og brotist inn hjá henni til þess að geta horft á hana sofandi. Enn fremur hefði hann elt hana. Hann fékk aðvörun vegna þessa og var sagt að halda sig frá Grice. Lögreglan taldi litla hættu stafa af honum.

Flýði af vetvangi og faldi blóðuga skó sína

Spilað var símtal á milli Grice og Lane fyrir dómi þar sem hún ræddi við hann um einkennilega hegðun hans. Svaraði hann því með þeim orðum að hann væri bara ekki í lagi í hausnum. Hún lagði til að hann leitaði sér aðstoðar og sagði hann þá: „Það er augljóslega eitthvað ekki í lagi, en ég veit ekki hvað það er. Ég þarf að komast að því eða það þarf að loka mig inni eða eitthvað.“

Einnig kom fram fyrir dómi að Lane hefði komið fyrir búnaði í bifreið Grice til þess að geta fylgst með ferðum hennar og sagt vini sínum að hún yrði að gjalda fyrir það sem hún hefði gert eftir að hann frétti að hún hefði tekið aftur saman við fyrri kærasta sinn. Þá sendi Lane Grise reikning fyrir að hafa boðið henni út að borða og keypt fyrir hana ilmvötn.

Lane hefur skýrt gerðir sínar með því að hann hafi viljað vita hvers vegna hún hafi hætt með honum. Hann sagðist hafa stundað kynlíf með Grice tveimur dögum áður en hún fannst látin. Hann hafi komið að henni látinni vegna þess að útidyrahurðin hafi verið opin en flúið af vettvangi vegna þess að hann hefði verið gripinn skelfingu.

Hann hefur viðurkennt að hafa falið skóna sína, en blóð Grice fannst á þeim, og hafa sagt lögreglunni ósatt við skýrslutöku. 

Viðbrögð lögreglunnar við tilkynningum Grice eru til skoðunar hjá sjálfstæðum eftirlitsaðila. Dómsmálið heldur áfram.

mbl.is

Frá Sýrlandi til Evrópu - Greinaflokkur

Hyundai Santa Fe 2014
Dökkgrár með dráttarbeisli. Ekinn 55 þús. Flott eintak, einn eig. 2.199 cc. · 19...
Ford Transit Rimor árg. 2008
Ford Transit Rimor húsbíll. Nýskr 30.05.2008. Ekinn 84 þús. Vél 2.2, 5 gíra,...
Skoda Octavia. 2015 - EK 28þús. METAN/BENSÍN. Tilboð
Til sölu Skoda Octavia árg. 2015, beinsk., ekinn 28 þús, metan/bensín. Verð 3.10...
GLERFILMUR
Glerfilmur, gluggafilmur, sand& sólarfilma. Merkismenn, sími 544- 2030 www.merk...
 
Félagsstarf
Staður og stund
Áskirkja Farið verður til Vestmannaeyja ...
Eldri borgarar
Staður og stund
Árskógar 4 Félagsstarfið er með opið í s...
Framhald
Nauðungarsala
Uppboð Einnig birt á www.naudungarsolu...
Félagstarf aldraðra
Staður og stund
Árskógum 4 Félagsstarfið er með opið í s...