Mannréttindavaktin, Human Rights Watch, fordæmir aftöku þriggja manna á Gazaströnd í dag en þeir voru sakaðir um að starfa með Ísraelsmönnum af Hamas-samtökunum.

Samtökin hvetja Hamas-samtökin til þess að hætta slíkri villimennsku. Mennirnir þrír voru teknir af lífi eftir að Hamas lýsti því yfir að þau myndu hefna fyrir morð á einum félaga samtakanna í síðasta mánuði. Saka samtökin leyniþjónustu Ísrael, Mossad, um að bera ábyrgð á morðinu sem og palestínskum samstarfsmönnum Mossad.

Þremenningarnir, sem voru hengdir í morgun, tengdust ekki drápinu á neinn hátt en samkvæmt fréttatilkynningu frá innanríkisráðuneyti Hamas eiga þeir að hafa starfað með Ísraelum hér áður fyrr. 

Í yfirlýsingu frá Mannréttindavaktinni kemur fram að Hamas muni aldrei ná fram friði og stöðugleika á svæðinu með því að beita gálganum og aftökusveitum fyrir sig. Nær sé fyrir samtökin að fara að alþjóðalögum. 

Í gögnum Mannúðarvaktarinnar kemur fram að alls hafi Hamas-samtökin tekið 25 Palestínumenn af lífi síðan þau náðu yfirráðum á Gazaströndinni árið 2007. 

AFP

Tengdar fréttir

Ísrael/Palestína

Þrír létust í loftárásum Ísraela á Beirút

• Finnar og Svíar taka ekki á móti særðum frá Gasa
• Gerðu umfangsmiklar loftárásir á Líbanon
• Myndskeið: Öflug sprengiefni í símboðunum
• Fjarskiptatæki um alla borg sprungu samtímis

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: HELDUR "GÓÐA FÓLKIÐ" AÐ ÞARNA SÉU BARA "DIET" MÚSLIMAR????