Mikill meirihluti breskra þingmanna samþykkti í dag að boðað yrði til þingkosninga í Bretlandi 8. júní en Theresa May, forsætisráðherra landsins, tilkynnti í gær að hún ætlaði að leggja fram slíka þingsályktunartillögu í dag sem hún síðan gerði. Samtals greiddu 522 þingmenn atkvæði með tillögunni en einungis 13 greiddu atkvæði gegn henni.

Bresk lög gera ráð fyrir að hægt sé að boða til kosninga áður en fimm ára kjörtímabili lýkur ef 2/3 þingmanna styðja tillögu þess efnis. Ljóst er að það skilyrði er uppfyllt en samtals sitja 650 þingmenn á breska þinginu. Einungis þurfti 434 atkvæði til þess. Níu þingmenn Verkamannaflokksins og fjórir aðrir þingmenn lögðust gegn tillögunni.

Skoðanakannanir benda til þess að Íhaldsflokkur forsætisráðherrans eigi eftir að vinna stórsigur í þingkosningunum og bæta verulega við þig fylgi og þingmönnum. Verkamannaflokkurinn mælist hins vegar með sögulega lítið fylgi en innan hans hafa geisað átök um fyrirhugaða útgöngu Bretlands úr Evrópusambandinu sem flokksmenn hafa skiptar skoðanir á sem og um Jeremy Corbyn, leiðtoga hans.

Fréttavefur breska dagblaðsins Daily Telegraph greinir frá þessu.

Tengdar fréttir

Þingkosningar í Bretlandi 2017

Þúsundir mótmæltu í Lundúnum

• Greiða milljarð punda til N-Íra
• Farron segir af sér í Bretlandi
• „Ég kom okkur í þessar ógöngur“
• Pundið nær aftur jafnvægi

» Fleiri tengdar fréttir

• 1 blogg um fréttina

Bloggað um fréttina

• Samtök um rannsóknir á ESB ...: Glæsisigur Theresu May mun styrkja Brexit í sessi