Sharif slapp með Panamaskrekkinn

Nawaz Sharif.
Nawaz Sharif. AFP

Hæstiréttur Pakistans hefur komist að þeirri niðurstöðu að vegna skorts á sönnunargögnum sé ekki tilefni til að víkja Nawaz Sharif, forsætisráðherra Pakistans, frá völdum, en hann var sakaður um spillingu í tengslum við Panamaskjölin.

Dómstóllinn hefur aftur á móti fyrirskipað að frekari rannsóknir verði gerðar á fjármagnsflutningum.

Þetta kemur fram á vef breska ríkisútvarpsins. 

Viðskipti fjölskyldunnar komust í kastljós fjölmiðla þegar greint var frá því að þrjú barna ráðherrans tengdust aflandsfélögum sem fjallað var um í Panamaskjölunum árið 2015. Margar spurningar vöknuðu í kjölfarið en Sharif og fjölskylda hans hafa hins vegar neitað því að hafa gert nokkuð rangt. Þau halda því fram að þarna sé um pólitískar árásir að ræða. 

Mikið hefur verið fjallað um málið í Pakistan undanfarna mánuði og margir töldu að framtíð ráðherrans myndi ráðast af niðurstöðunni. 

Fram kemur á vef BBC, að um 1.500 lögreglumenn hafi staðið vörð við húsnæði dómstólsins í Íslamabað, höfuðborg Pakistans. Fjölmargir mótmælendur höfðu safnast saman í nágrenninu en þeir krefjast þess að Sharif segi af sér. 

Verð á hlutabréfum í kauphöllinni hækkaði í kjölfar niðurstöðu hæstaréttarins. 

BBC segir, að hæstiréttur landsins hafi í fyrra samþykkt að rannsaka auðæfi Sharifs sem er að finna í aflandsfélögum í kjölfar þess að Imran Khan, leiðtogi stjórnarandstöðunnar, hótaði að skipuleggja fjölmenn götumótmæli.

Rannsóknin beindist að fé sem var notað til að kaupa fasteignir í London í gegnum aflandsfélög. 

Dóttir ráðherrans, Maryam Sharif, og sonur, Hussein Sharif, voru bendluð við málið. Maryam Hussein er sögð eiga mikla framtíð fyrir sér sem stjórnmálamaður í heimalandinu. 

mbl.is

Frá Sýrlandi til Evrópu - Greinaflokkur

VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
Olíumálverk eftir Ásgrím Jónsson
Olíumálverk eftir Ásgrím Jónsson, málað í Húsafelli. Stærð ca. 70x63 cm. Uppl í ...
Kaupi notaðar hljómplötur. Sími 696 1909.
Kaupi notaðar hljómplötur. Sími 696 1909....
Hermannaúlpa
Hermannaúlpa til sölu, 2 stk. L- XL. Upplýsingar í síma: 8935005...
 
Samkoma
Félagsstarf
Hörgshlíð 12 Boðun fagnaðarerindisins....
Framhald uppboðs
Nauðungarsala
Uppboð Einnig birt á www.naudungarsolu...
Framhald
Nauðungarsala
Uppboð Einnig birt á www.naudungarsolu...
Eldri borgarar
Staður og stund
Aflagrandi 40 Opin vinnustofa kl. 9, nem...