Ríkisstjórn Bretlands hefur fullvissað breska sjómenn um að óvinsælustu hlutar sameiginlegrar sjávarútvegsstefnu Evrópusambandsins heyri sögunni til eftir að landið gengur úr sambandinu. Ekki liggur hins vegar fyrir að hve miklu leyti sjávarútvegsstefnan verður tekin upp í bresk lög við útgönguna að sögn Andreu Leadsom, umhverfisráðherra Bretlands.

Fram kemur á fréttavef breska ríkisútvarpsins BBC að Leadsom hafi hins vegar heitið því í bréfið til Samtaka skoskra sjómanna (SFF) að taka úr sambandi lykilatriði sameiginlegu sjávarútvegsstefnunnar en stefnan er illa liðin á meðal breskra sjómanna. Ráðherrann sagði mikilvægt að nota tækifærið með útgöngunni til að móta stefnu sem hentaði Bretum.

Meðal þess sem Leadsom sagði að myndi heyra sögunni til væri kvótaúthlutun Evrópusambandsins og réttur fiskiskipa frá öðrum ríkjum sambandsins til þess að veiða í breskri efnahagslögsögu. Ríkisstjórnin legði ennfremur áherslu á að tryggja að Bretar hefðu fulla yfirstjórn á sjávarútvegsmálum sínum eftir að Bretland færi úr Evrópusambandinu.

Eftir sem áður væri Bretland reiðubúið til að eiga í samstarfi við önnur ríki um skiptingu deilistofna. Haft er eftir Bertie Armstorng, framkvæmdastjóra SFF, að bréf Leadsoms, sama hvernig það væri lesið, staðfesti að ríkisstjórn Bretlands ætlaði að segja skilið við sameiginlegu sjávarútvegsstefnuna og endurheimta yfirráð Breta yfir eigin efnahagslögsögu.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Utan ESB eru fiskimiðin tryggð