Sýrlenskar hersveitir sem njóta stuðnings Bandaríkjamanna segjast hafa brotið sér leið inn fyrir ystu varnarlínu Ríkis íslams í borginni Raqa í Sýrlandi.

Fyrr í morgun var því lýst yfir að sókn inn í borgina væri að hefjast.

Að sögn samtakanna Syrian Observatory for Human Rights náðu hersveitirnar nokkrum byggingum í hverfinu Al-Meshleb á sitt vald.  

Hersveitir bandamanna, sem Bandaríkjamenn leiða, styðja við aðgerðirnar með loftárásum.

„Bandamenn gerðu loftárásir í alla nótt til að undirbúa áhlaupið,“ sagði Rami Abdel Rahman hjá Syrian Observatory for Human Rights.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt