Þrjár manneskjur voru í kvöld handteknar í tengslum við hryðjuverkaárásina í London síðasta laugardag, samkvæmt bresku lögreglunni.
Átta létu lífið í árásinni og tæplega 50 særðust, þar af 20 alvarlega.
Slökkvilið aðstoðaði lögreglu við handtöku tveggja manna í götunni Ilford í austurhluta London. Þriðji einstaklingurinn var handtekinn í íbúð sinni í sama hluta borgarinnar.
Lögreglan handtók í morgun þrítugan mann í tengslum við árásina. Tólf sem voru handteknir áður hafði verið sleppt úr haldi. Ríki íslams segist bera ábyrgð á árásunum.
Þrír menn óku sendibíl inn í hóp vegfarenda við London-brú og héldu svo áfram fótgangandi að Borough markaðinum og stungu fjölda fólks með hnífum á leið sinni. Tæplega 50 manns særðust í árásinni, þar af 20 alvarlega. Átta vopnaðir lögreglumenn skutu árásarmennina til bana nokkrum mínútum eftir að fyrsta neyðarkallið barst.