Theresa May fordæmir árásina

Theresa May heimsótti moskuna í dag.
Theresa May heimsótti moskuna í dag. AFP

Theresa May forsætisráðherra Bretlands hefur fordæmt hryðjuverkaárásina við Fins­bury Park mosk­una í London í gær, og sagt hana „alveg jafn ógeðfellda“ og aðrar árásir sem hafa verið gerðar undanfarna mánuði í landinu. 

Einn er látinn og tíu eru slasaðir eftir að árásarmaður ók sendibifreið inn í hóp fólks fyrir utan moskuna skömmu eftir miðnætti í gær. Fólkið sem var þar samankomið var að aðstoða mann sem hafði hnigið niður á gangstéttina. All­ir þeir sem urðu fyr­ir bíln­um eru mús­lím­ar, en 48 ára gamall maður er í haldi lögreglu grunaður um árásina.

Of mikið umburðarlyndi með öfgastefnum

May sagði í yfirlýsingu í dag að of mikið umburðarlyndi hefði verið með öfgastefnum í of langan tíma. „Þetta minnir okkur á að hryðjuverk, öfgastefnur og hatur er margs konar: og okkar staðfesta í því að takast á við það verður að vera eins, sama hver á í hlut.“

May sagði árásina hafa komið á erfiðum tíma fyrir íbúa borgarinnar. Önnur hryðjuverkaárás var gerð fyrir skömmu við London Bridge auk þess sem mikið mannfall varð í bruna Grenfell Tower á dögunum. Hún ítrekaði þó að samstaða borgarbúa væri aðdáunarverð.

Lagði May áherslu á að hatur og illska myndu ekki ná völdum, og þess í stað yrði sjónum beint að samkennd, virðingu og frelsi.

Öryggismálanefnd bresku ríkisstjórnarinnar hefur fundað eftir árásina. Ákveðið hefur verið að auka eftirlit með moskum í borginni næstu daga. Þá verður sérstakt ráð skipað til að berjast gegn hryðjuverkaógnum.

mbl.is

Frá Sýrlandi til Evrópu - Greinaflokkur

Ritverkið Reykvíkingar 1-4
til sölu fyrstu fjögur bindin (öll sem hafa komið út) af ritverkinu Reykvíkingar...
Mig vantar gott heimili
Ég er Gringo og er 5 ára gamall Labrador. Mig vantar nýja og góða eigendur. Vi...
Viðhald fasteigna
Við þjónustum þig með lítil sem stór verk. Tímavinna eða tilboð. sími: 544-44...
Til sölu nýr Yamaha utanborðsmótor, 2,5 Hö
Mótorinn er 4 gengis, nýr og ónotaður, kom til landsin í lok júklí. Kostar 19...
 
Félagsstarf
Staður og stund
Árskógar 4 Smíðar og útskurður með leiðb...
Atvinna óskast
Starf óskast
Atvinna óskast Véliðnfræðingur / vél...
Lækjarmel 12
Atvinnuhúsnæði
Stórglæsilegt iðnaðarhúsnæði Lækjarme...
Framkvæmdastjóri dómstólasýslunnar
Önnur störf
Framkvæmdastjóri dómstólasýslunnar Stj...