Herdómstóll Venesúela hefur ákært 27 háskólanemendur fyrir uppreisn gegn stjórnvöldum. Háskólanemendurnir voru handteknir á sunnudaginn síðastliðinn í UPEL-háskólanum í borginni Maracay eftir mótmæli gegn stjórn­ar­hátt­um Nicolás Maduro, for­seta lands­ins. Mótmælin hófust í apríl og hafa staðið látlaust yfir. 

Saksóknari hefur meðal annars ákært fólkið fyrir að hvetja til uppreisnar, fyrir skemmdarverk og þjófnað, að sögn Alfredo Romero, lögfræðings og starfsmanns mannréttindasamtakanna Foro Penal. 

Herdómstóllinn hefur einnig dæmt fimm konur í stofufangelsi eftir að þær voru hnepptar í varðhald fyrir sömu sakir, að sögn Romero. 

Samkvæmt mannréttindasamtökunum Foro Penal hefur fjöldi manns verið leiddur fyrir herdómstól landsins undanfarið eftir mótmæli síðustu þriggja mánaða. Talið er að að minnsta kosti 433 manns séu „pólitískir fangar“ í Venesúela eftir að mótmælin brutust út. Að minnsta kosti 89 manns hafa látið lífið í mótmælunum.  

Í síðustu viku ríkti ótti og glundroði í borginni Maracay þar sem fólkið var handtekið. Þar fór múgur ráns­hendi um göt­urn­ar og skildi eft­ir sig tóm­ar versl­an­ir og sært fólk. Lögreglan og her landsins reyndi að ná tökum á ástandinu og féllu bæði borgarar og lögreglumenn í þeim átökum.  

Frá mótmælum 1. júlí. AFP

Tengdar fréttir

Venesúela

Stjórnarandstæðingurinn flúinn til Spánar

• Maduro ekki réttur sigurvegari að sögn Blinken
• Í felum og óttast um líf sitt
• Íbúar Venesúela flýja til Kólumbíu
• Skrá sig á Only Fans til að létta róðurinn

» Fleiri tengdar fréttir

• Blogga um frétt