Geta borið stóra og þunga kjarnaodda
Setja bókamerki
Flugskeytið sem Norður-Kórea skaut á loft aðfaranótt þriðjudags, getur borið stóran og þungan kjarnaodd, samkvæmt upplýsingum norðurkóreskra ríkisfjölmiðla. Stjórnvöld í Suður-Kóreu og Bandaríkjunum hafa í dag svarað tilrauninni með umfangsmiklum flugskeytaæfingum í Suður-Kóreu, en Bandaríkin hafa nú staðfest að flaugin sem Norður-Kóreumenn skutu út í Japanshaf hafi verið langdræg.
Áður hafði verið sagt að um meðallangdræga flaug hefði verið að ræða, en BBC hefur nú eftir sérfræðingum að sumir þeirra telji flaugina geta náð allt til Alaska. Aðrir telja hins vegar flaugar Norður-Kóreumanna ekki enn búa yfir nægilegri nákvæmni til að hitta þau skotmörk sem þeim sé ætlað.
Rex Tillerson, utanríkisráðherra Bandaríkjanna, sagði í gær eldflauga- og kjarnorkutilraunir Norður-Kóreu vera „nýja ógn við heiminn“. Fundur verður haldinn fyrir luktum dyrum í Öryggisráði Sameinuðu þjóðanna í dag vegna málsins.
Norðurkóreska ríkisfréttastöðin KCNA hafði í gær eftir Kim Jong-Un, leiðtoga Norður-Kóreu, að flugskeytatilraunin væri „gjöf“ til Bandaríkjanna á þjóðhátíðardag þeirra, 4. júlí. Sagðist Kim hlæjandi þurfa að færa Bandaríkjunum fleiri slíkar gjafir svo þeim leiddist ekki.
Quang Le: „Rottuskíturinn kom mér á óvart“
Grænlendingar vildu ekki fá björninn til baka
Fjarskiptatæki um alla borg sprungu samtímis
Búið að fella björninn
Björninn sagður nálægt byggð
Tveir í haldi grunaðir um mansal og smygl á fólki
Hætta vegna jarðfalls í sprungur metin töluverð
Óvenjuleg tilkynning: 19 í gæsluvarðhaldi