Eigandi snekkjunnar Cheeki Rafiki, sem sökk árið í maí 2014 og fjórir menn létu lífið, hefur verið fundinn sekur um að tryggja ekki að öryggi snekkjunnar væri nægjanlegt. Snekkjan fannst á hvolfi um eitt þúsund sjómílur austur af Cape Cod í Massachusetts-ríki í Bandaríkjunum í tíu dögum eftir að hennar var saknað. BBC greinir frá.
Allir fjórir mennirnir sem voru um borð voru reyndir siglingamenn. Lík mannanna hafa aldrei fundist. Þeir voru á aldrinum 22 - 56 ára.
Bæði Douglas Innes, framkvæmdastjóri og eigandi fyrirtækisins Stormforce Coaching og fyrirtækið sjálft voru fundin sek fyrir þessar sakir. Dómur var kveðinn upp í Winchester.
Dómstóllinn komst hins vegar ekki að niðurstöðu um ákæru um manndráp sem einnig fór fyrir rétt. Sú ákæra verður tekin upp aftur.
Í dómnum kom jafnframt fram að skipverjar hefðu haft samband við Innes og greint honum frá því að þeir hefðu lent í vandræðum út á sjó áður en hún missti samband. Innes lét strandgæsluna ekki vita strax að þeir væru í vandræðum en sjálfur var hann á bar þetta kvöld þegar hann fékk umrætt símtal.
Snekkjan var á leið til Bretlands frá Karabíska-hafinu þegar leki kom að henni 16. maí síðastliðinn. Þá var hún stödd um 600 sjómílur austur af Cape Cod. Hún missti fjarskiptasamband daginn eftir.