Eitt af hverjum tíu ungbörnum án bóluefnis

Hlutfall ungbarna sem eru bólusett hefur staðnað.
Hlutfall ungbarna sem eru bólusett hefur staðnað. AFP

Hartnær eitt af hverjum 10 ungbörnum fékk engin bóluefni árið 2016. Þau fóru þannig á mis við bólsetningar gegn þremur banvænum sjúkdómum, að því er kemur fram í tilkynningu frá Alþjóðaheilbrigðisstofnuninni (WHO). 

Í heildina fengu 12,9 milljónir bara engin bóluefni á síðasta ári og misstu því að fyrsta skammtinum gegn sjúkdómum á borð við barnaveiki, stífkrampa og kíghósta. Aðrar 6,6 milljónir barna sem fengu fyrsta skammtinn af svokölluðu DTP-bóluefni kláruðu ekki meðferðina. 

Frá árinu 1980 hefur Heilbrigðisstofnun Sameinuðu þjóðanna haldið utan um tölur yfir fjölda barna sem fá DTP á hverju ári. Í tilkynningu WHO segir að frá 2010 hafi hlutfall barna kláruðu bólusetningarmeðferð staðnað í 86%.

Aðeins 130 af 194 aðildarlöndum stofnunarinnar hafa náð markmiðinu sem nemur 90% en verst er ástandið í stríðshrjáðum löndum. Í átta löndum var hlutfallið undir 50%; Úkraínu, Mið-Afríkulýðveldinu, Miðbaugs-Gíneu, Nígeríu, Sómalíu, Suður-Súdan, Sýrlandi og Tsjad. 

WHO metur að bóluefni komi í veg fyrir tvær til þrjár milljónir dauðsfalla á hverju ári. 

mbl.is

Frá Sýrlandi til Evrópu - Greinaflokkur

Inntökupróf
Palacký University in Olomouc í Tékklandi stefnir að halda inntökupróf í tannlæk...
BEYGJANLEGUR HARÐVIÐUR
T.d. á hringstiga og annað bogið, http://www.youtube.com/watch?v=Xh2eO_RaxnQ www...
Gott skrifstofuhúsnæði til leigu.
Til leigu er 197 ferm. skrifstofuhúsnæði við Bíldshöfða. Skiptist í móttöku, fim...
 
Samkoma fellur niður í kvöld
Félagsstarf
Hörgshlíð 12 Samkoma fellur niður í kv...
Samkoma
Félagsstarf
Samkoma kl. 20 í Kristniboðs- salnum. R...
Félagsstarf
Staður og stund
Árskógar 4 Smíðar/útskurður m./leiðb. kl...
Kennarar óskast
Önnur störf
Kennarar óskast Handverks- og hússtjór...