Bandarísk stjórnvöld ætla ekki að kalla eftir því að öryggisráð Sameinuðu þjóðanna komi saman til að ræða nýjasta eldflaugaskot Norður-Kóreu. Talsmenn Bandaríkjastjórnar segja ástæðuna vera þá að fundurinn muni ekki leiða til neinnar markverðar niðurstöðu.
Nikki Haley, sendiherra Bandaríkjanna hjá SÞ, segir að slíkur fundur myndi senda þau skilaboð til N-Kóreu að alþjóðasamfélagið sé ekki reiðubúið að veita þarlendum stjórnvöldum mótstöðu.
Yfirvöld í N-Kóreu segja að nýjustu tilraunir landsins sýni fram að eldflaugar þeirra geti nú náð til gjörvallra Bandaríkjanna, að því er segir á vef BBC.
Bandarísk stjórnvöld hafa brugðist við með að gera tilraunir með eldflaugavarnakerfi og með því að fljúga sprengjuþotum yfir Kóreuskaga.
Shinzo Abe, forsætisráðherra Japans, sagði í dag, að hann hefði rætt við Donald Trump Bandaríkjaforseta og þeir væru sammála um að það væri nauðsynlegt að grípa til frekari aðgerða vegna Norður-Kóreu í ljósi nýjustu eldflaugatilrauna þeirra á föstudag.
Hvorki Trump né Abe ræddu um að beita hervaldi gegn N-Kóreu.