20 tonn sýktra eggja seld í Danmörku
Setja bókamerki
Tuttugu tonn af eggjum með skordýraeitri hafa verið seld í Danmörku, að sögn heilbrigðiseftirlits landsins.
„Danska fyrirtækið Danaeg Producs hefur fengið alls 20 tonn af soðnum eggjum án skurnar frá birgðasala í Belgíu. Eggin hafa flest verið seld til mötuneyta, kaffihúsa og fyrirtækja sem annast veitingaþjónustu. Þau hafa líklega ekki verið seld í dönskum smásöluverslunum að neinu ráði,“ sagði stofnunin.
Skordýraeitrið getur skaðað nýru fólks og lifur séu eggin borðuð í miklu magni.
„Sýni sem voru rannsökuð í Hollandi sýndu leifar af fipronil í eggjunum en ekki í þannig magni að það skaðaði heilsu fólks. Vegna þess að innihald eggjanna er ólöglegt mun Danaeg Product innkalla eggin frá viðskiptavinum sínum.“
Heilbrigðiseftirlitið hafði fyrr í vikunni sagt að Danmörk væri laus við eggjahneykslið sem hefur skekið Evrópu undanfarið.
Flytja 100 þúsund á brott frá Rafah
„Fólk þolir óvissu í ákveðinn tíma“
Enginn tími til að hemla
Stofna framkvæmdanefnd um málefni Grindavíkur
Ótímabundin leyfi verði líklega ekki gefin út
„Byggja varnargarð utan um fólkið okkar“
Hundrað prósent vampíra