Forseti Bandaríkjanna,Donald Trump, sagði í dag að Bandaríkjaher tilbúinn til gagnárásar ef Norður-Kórea hegðar sér óskynsamlega.
Ummælin lét Trump falla á Twitter en orðastríð hans og yfirvalda í Norður-Kóreu virðist ekki í rénum heldur stigmagnast fremur en hitt.
Þykir flestum nóg um og báðu kínversk yfirvöld þjóðarleiðtoga Bandaríkjanna og Norður-Kóreu að róa sig niður og hætta orðaskakinu sem hefur einkennt umræðuna síðusta daga.
Military solutions are now fully in place,locked and loaded,should North Korea act unwisely. Hopefully Kim Jong Un will find another path!
— Donald J. Trump (@realDonaldTrump) August 11, 2017
Kanslari Þýskalands, Angela Merkel, er alfarið á móti öllum hernaði til þess að leysa ágreiningin við Norður-Kóreu. Lét hún ummælin falla eftir að hafa séð færslu Trump á Twitter.
Hún segist miklu frekar vilja sjá friðsamlega lausn og að málið sé leyst með aðild öryggisráðs Sameinuðu þjóðanna.
Hún segir að Þjóðverjar muni taka þátt í að beita Norður-Kóreu refsiaðgerðum líkt og samþykkt var í öryggisráðinu á laugardag en ekki hernaði. „Ég tel að orðaskak sé ekki réttu viðbrögðin,“ segir Merkel er hún var spurð út í ummæli Trump á Twitter.